Í Miðnæturhlaupi Suzuki er 5 km hlaupið jafnan vinsælasta vegalengdin enda hentar hún öllum aldurshópum. 1000-1400 hlauparar hafa tekið þátt í 5 km hlaupinu undanfarin ár.
Hlaupaleiðin
Hlaupin er skemmtileg leið í kringum Laugardalinn sem hefst og endar í dalnum miðjum. Laugardalurinn er í fullum blóma á þessum árstíma og því hrein unun að hlaupa þar um. Leið hlaupara liggur framhjá mörgum merkum íþróttamannvirkjum og má þar nefna Laugardalshöllina, Laugardalsvöll, og auðvitað Laugardalslaugina sem þátttakendum stendur til boða að stinga sér í að loknu hlaupi. Að mestu er farið eftir stígum í 5 km hlaupinu en einnig er hlaupið á götum.
Hlaupaleiðin er mæld samkvæmt stöðlum AIMS (alþjóðleg samtök hlaupa).
Smelltu hér til að skoða kort af leiðinni.
Drykkjarstöðvar
Þátttakendur í 5 km hlaupi munu geta svalað þorstanum þegar komið er í mark, en Ölgerðin býður þátttakendum Gatorade drykki og vatn.
Þátttakendur
5 km hlaupið er vegalengd fyrir fólk á öllum aldri og er ekkert aldurstakmark. Vegalengdin er tilvalin fyrir foreldra og börn sem vilja hlaupa saman.
Salernisaðstaða
Þátttakendur í Miðnæturhlaupi Suzuki geta komist á salerni í Laugardalshöll en einnig eru færanleg salerni/kamrar á marksvæði fyrir aftan Skautahöllina. Ekki eru nein salerni á 5 km hlaupaleiðinni.
Algengar spurningar
Vantar þig fleiri upplýsingar um Miðnæturhlaup Suzuki? Svör við algengum spurningum má finna hér
