Miðnæturhlaup Suzuki fer fram 19. júní 2025
Skráning í Miðnæturhlaup Suzuki 2025 er opin og skráning fyrir Miðnæturhlaup Suzuki 2026 hefst daginn eftir hlaup 2025. Áhugasömum stendur til boða að skrá sig (og aðra) í eftirfarandi vegalengdir:
Verðskrá
Skráningu lýkur á netinu 30 mín fyrir ræsingu hlaupsins en þátttakendur þurfa að gefa sér nægan tíma til að ná í hlaupagögnin sín. Einnig er hægt að kaupa miða við afhendingu gagna.
Fyrstu 100 miðar í Miðnæturhlaup Suzuki verða á sérstöku forskráningar tilboði.
Almennur miði
Keppnismiði
Ath! 150 kr FRÍ gjald leggst ofan á verð við skráningu.
- Þátttaka í Miðnæturhlaupinu 2025
- Lögmælda braut samkvæmt mælingarstöðlum AIMS
- Hlaupanúmer
- Tímaflögu
- Þjónustu á braut
- Medalíu að loknu hlaupi
- Sundlaugarpartý í Laugardalslaug með DJ
- Þátttaka í Miðnæturhlaupinu 2025
- Umsókn um FRÍ vottun
- Skráningu í afrekaskrá FRÍ
- Verðlaun til fyrstu þriggja hlaupara í hverri vegalengd og fyrsta hlaupara í hverjum aldursflokki
- Lögmælda braut samkvæmt mælingarstöðlum AIMS
- Hlaupanúmer
- Tímaflögu
- Þjónustu á braut
- Medalíu að loknu hlaupi
- Sundlaugarpartý í Laugardalslaug með DJ
Almennur miði
Almennur miði veitir þátttakendum rétt til að taka þátt í hlaupinu án þess þó að keppa til verðlauna og úrslit fara ekki í afrekaskrá FRÍ.
Keppnismiði
Þátttakendur sem kaupa keppnismiða hafa val um að vera í fremsta ráshólfi, eiga möguleika á að vinna til verðlauna og fá úrslitin skráð í afrekaskrá FRÍ.
Innifalið í almennum miða
Innifalið í keppnis miða
Fatlaðir Þátttakendur
Í skráningarferlinu er hægt að haka í að viðkomandi sé í hjólastól og fær þá nánari upplýsingar þegar nær dregur hlaupi. Nánari upplýsingar um skráningu má finna hér. Fatlaðir þátttakendur í Miðnæturhlaupi Suzuki geta haft með sér einn fylgdarmann í hlaupinu sér að kostnaðarlausu ef þau óska þess. Fylgdarmaður fær merkingu við afhendingu gagna sem sýnir að hann megi vera á hlaupabrautinni en hann fær ekki tíma eða önnur gögn hlaupsins.
Hlaupaleiðin
Allir þátttakendur eru á eigin ábyrgð. Hlaupabrautin er ekki alveg lokuð umferð og því mikilvægt að sýna aðgát. Auk þess er vakin athygli á því að hlaupabrautin getur verið á köflum erfið yfirferðar fyrir hjólastóla. Má þar nefna hraðahindranir, gróft undirlag og misfellur sem geta verið varasamar. Af öryggisástæðum þurfa þátttakendur í hjólastólum eða með önnur hjálpartæki að vera aftast í upphafi hlaups.
Greiðsluleiðir/staðfesting á skráningu
Í skráningarferlinu er hægt að velja á milli þess að greiða þátttökugjaldið með Visa- eða Mastercard kreditkorti, debetkorti eða gjafabréfi. Að lokinni skráningu fær viðkomandi senda kvittun í tölvupósti skráningunni til staðfestingar. Berist ekki kvittun hefur skráning ekki gengið í gegn en hægt er að athuga hvort skráningin er til staðar á „mínum síðum" á corsa.is.
Breyting á vegalengd
Þeir hlauparar sem vilja breyta um vegalengd eftir að skráningu er lokið geta gert það á „mínum síðum". Greiða þarf fyrir mismun á verði vegalengda ef farið er í dýrari vegalengd.
Nafnabreyting/breytingagjald
Ef aðili sem hefur keypt sér miða í Miðnæturhlaup Suzuki en sér sig ekki fært að nýta miðann, er hægt að færa miðann yfir á annan aðila inná „mínum síðum".
Hópskráning
Í skráningarkerfinu er hægt að skrá nokkra hlaupara í einu og borga fyrir þá í einni greiðslu. Hópar/Fyrirtæki sem vilja skrá 10 eða fleiri til þátttöku geta haft samband.
